11 X 11
სპორტული პორტალი

ბოლოს დამატებული

პსჟ პოგბას გადაყვანას ცდილობს

პსჟ კვლავ უტრიალებს „მანჩესტერის“ ფრანგ ნახევარმცველს პოლ პოგბას, ვისაც კონტრაქტი გაის ამ დროს უთავდება, ხელშეკრულება კი  ჯერ არ გაუგრძელებია. პოგბას აგენტი მინო რაიოლა პარიზელებს არწმუნებს რომ ყველანაირად შეეცდება მისი კლიენტის მათთან გადაყვანას, თუმცა ისიც გასაგებია, რომ ამით „მანიუს“ ერთგვარ დაშანტაჟებასაც ახდენს, რათა თუ პოგბას ხელშეკრულებას გაუგრძელებენ, ის ბევრად უკეთესი პირობებით იყოს. წყარო:  leparisien.fr

სერხიო რამოსს ორ სეზონში 50 მილიონი უნდა

მადრიდის „რეალიდან“ რეალურად თავიდან მოშორებულ მის აწ უკვე ყოფილ კაპიტანს სერხიო რამოსს, რომელიც ახლა თავისუფალი აგენტია და გუნდს ეძებს, საკმაოდ დიდი მადა აქვს - უნდა ორწლიანი კონტრაქტი გააფორმოს, სეზონში ხელფასად 15 მილიონი ევრო აიღოს და დამატებით კონტრაქტზე ხელმოწერისათვის 20 მილიონი ევროც გადაუხადონ. ისე, ძალიან საეჭვოა ვეტერან სერხიოს რომელიმე ტოპ-კლუბმა ეს მადა დაუკმაყოფილოს. წყარო: twitter.com/elchiringuitotv

რონალდო ინსტაგრამის რეკორდსმენია

კრიშტიანო რონალდო ინსტაგრამზე ხელმომწერთა რიცხვით მსოფლიოში პირველი კარგა ხანია გახდა, მაგრამ ახლა ახალი მიჯნა გადალახა - პირველი ადამიანია ვის ხელისმომწერტა რიცხვმა 300 მილიონს გადააჭარბა. წყარო: twitter.com/ESPNFC

ოლმო რეალში გადადის?

„ლაიფციგის“ 23 წლის ესპანელი თავდამსხმელი დანიელ ოლმო, ვინაც საქართველოსა და ესპანეთის ნაკრებთა მატჩში ჩვენი გუნდის კარში გატანილი გოლითაც უსიამოვნოდ დაგვამახსოვრა თავი, სამშობლოში დაბრუნებაზე ზრუნავს, მისი წარმომადგენლები მადრიდის „რეალთან“ აწარმოებენ მოლაპარაკებას და რა გამოუვათ, ლბათ, ევროპირველობის დასრულების შემდეგ შევიტყობთ. წყარო: gazzetta.it

ერიკსენი საავადმყოფოდან გაწერეს

დანიის ნაკრების 29 წლის ნახევარმცველი კრისტიან ერიკსენი, მას შემდეგ, რაც კარდიოსტიმულატორი ჩაუნერგეს, საავადმყოფოდან  გაწერეს. შინ მისვლამდე მან დანიის ნაკრების ბაზაზე შეიარა და თანანაკრებელებს რუსეთთან მომავალ მეტად მნიშვნელოვან მატჩში წარმატებები უსურვა. წყარო: bbc.com

ლოკატელი ევროპირველობის შემდეგ გადაწყვეტს

გუშინ გავრცელდა ცნობა, თითქოს ტურინის „იუვენტუსი“ დაუკავშირდა „სასუოლოსა“ და იტალიის ნაკრების 23 წლის ნახევარმცველს მანუელ ლოკატელის და კონტრაქტის პირობები გააცნო. თავად ფეხბურთელმა განაცხადა, რომ ეს სიმართლეს არ შეესაბამება, ახლა მხოლოდ იტალიის ნაკრების წარმატებულ ასპარეზობაზე ფიქრობს და თავს კარიერას ევროპის ჩემპიონატის დასრულების შემდეგ მიხედავს. წყარო: gazzetta.it

სელტა მთავარი მწვრთნელით კმაყოფილია

ამის დასტური ისაა, რომ გალისიურმა კლუბმა გუნდის მთავარ მწვრთნელს, 46 წლის არგენტინელ ედუარდო კოუდეტს, რომელიც „სელტას“ 2020 წლის ნოემბერში ჩაუყენეს სათავეში, კონტრაქტი 2024 წლის 30 ივნისის ჩათვლით გაუხანგრძლივა. წყარო: twitter.com/RCCelta

ლილის შეფებმა ოსიმჰენის ტრანსფერში რაღაც იჩალიჩეს

ფრანგი სამართალდამცავები სწავლობენ „ლილიდან“ „ნაპოლიში“ შარშან სექტემბერში ვიქტორ ოსიმნეჰის ტრანსფერის დეტალებს, რადგან ეჭვობენ, რომ საქმე სერიოზულ მაქინაციებთან აქვთ. „ლილის“ ხელმძღვანელმა ჟერარ ლოპესმა ამ ტრანსფერის გაიმასქნებისთანავე დატოვა კლუბი, ხოლო მისი შემცვლელი ეჭვობს, რომ ამ ტრანსფერიდან ასაღები 81.3 მილიონი ევროდან კლუბს მინიმუმ 10 მილიონი დააკლდება. ამ გარიგებაში „ნაპოლი“ უბრალოა, საქმე მხოლოდ „ლილს“ ეხება. Wyaro: l’equipe.fr