11 X 11
სპორტული პორტალი
test
test

ბოლოს დამატებული

ბასილაშვილს ფინალში ხელი მოეცარა

აშშ-ში, ინდიან ველსის საჩოგბურთომასტერსის ფინალში ნიკოლოზ ბასილაშვილისა და დიდი ბრიტანელი კამერონ ნორიეს მატჩი ამ უკანასკნელის გამარჯვებით 2:1 (3:6, 6:4, 6:1) დასრულდა. ჩვენდა სამწუხაროდ, ნიკოლოზის მეტოქე ბევრად უფრო კონცენტრირებული და ზუსტი გხლდათ და დამსახურებულადაც გაიმარჯვა. მიუხედავად ფინალში მარცხისა, ნიკოლოზი ამ ტურნირზე ასპარეზობის გამო ქებას იმსახურებს და რეიტინგშიც მნიშვნელოვნად წაიწია წინ.

პიკფორდი კარში “შპარგალკით” დგება

დიახ, ასეა. "ევერტონისა" და ინგლისის ნაკრების მეკარე ჯორდან პიკფორდი მატჩების დროს კარში 'შპარგალკებით" შეიარაღებული დგება. ჩანაწერები არც გეტრებში აქვს ჩამალული, არც მკლავებზე აწერია და ფურცლებსაც საცვალში არ იჩურთავს... მშვენიერი გამოსავალი მოუნახავს - წყლის ბოთლზე მიუწერია თუ რომელი გუნდის პენალტისტი რომელ კუთხეში ურტყამს და ა.შ. ეს ფოტორეპორტიორებმა პრემიერლიგის ბოლო ტურში "ვესტ ჰემთან" მატჩის დროს შენიშნეს და ფოტოგრაფიულად "დაადოკუმენტეს". გაირკვა, რომ პიკფორდი ასე მხოლოდ "ევერტონის" მატჩების დროს როდის იქცევა, არამედ…

ვალენსიას მარიანო დიასის ყიდვა უნდა

უკვე 28 წლისაა დომინიკანელი თავდამსხმელი მარიანო დიასი და მადრიდის "რეალში" ვერ იქნა და ვერ დამკვიდრდა, მთავარ მწვრთნელად მიბრუნებული კარლო ანჩელოტი სულაც ურჩევს გუნდი გამოიცვალოს. ამ სიტუაციით "ვალენსია" აპირებს  ისარგებლოს და უკვე ახლავე დაიწყებს სამეფო კლუბთან მოლაპარაკებას, რათა მარიანო იაფად ინვარშივე მიყიდონ. წყარო: as.com

გადადექი, გადადექი!

ასე სკანდირებდნენ "სენტ ჯეიმს პარკის" ტრიბუნები და მოუწოდებდნენ "ნიუკასლის" მთავარ მწვრთნელს სტივ ბრიუსს პოსტის დატოვებისკენ. ეს არცაა გასაკვირი, რადგან "კაჭკაჭები" პრემიერლიგის ცხრილში ბოლოსწინა, მე-19 ადგილზე არიან. ფანების მოთმინების ფიალა "ტოტენჰემთან" წაგებამ (2:3) აავსო. ბრიუსის გაშვება კლუბის ახალ მფლობელებსაც ძალიან უნდათ, მაგრამ მის შემცვლელად ტოპ-მწვრთნელი ჯერ ვერ იშოვეს. სხვათა შორის, 60 წლის სტივ ბრიუსისათვის "ტოტენჰემთან" მატჩი მის სამწვრთნელო კარიერაში გუნდის თავკაცობის მე-1000, საიუბილეო შეხვედრა გახლდათ.…

გაიცვლება ბეილი ლაკაზეტში?

"არსენალის" ხელმძღვანელობას დიდი სურვილი აქვს, თავიანთ გუნდში 32 წლის უელსელი გარემარბი გარეტ ბეილი იხილონ და საამისოდ აპირებენ მადრიდის "რეალს" ბეილი 30 წლის ფრანგ თავდამხმელ ალექსანდრ ლაკაზეტში გაუცვალონ. ვნახოთ, რა გამოუვათ "კანონირებს". წყარო: elmundodeportivo.es

სალერნიტანამ მწვრთნელი გამოცვალა

სერია A-ში "სალერნიტანა" ძალიან უხეიროდ ასპარეზობს, 8 ტურის შემდეგ 4 ქულით ბოლო, მე-20 ადგილზეა და კლუბის ბოსებმა იტალიური ფეხბურთის ელიტაში ამ გუნდის გადმომყვანი მთავარი მწვრთნელი ფაბრიციო კასტორი მოხსნეს და მის ნაცვლად სტეფანო კოლანტუონო (ფოტოზე) მიიწვიეს, რომელიც 2017-2018 წლებში უკვე ედგა სათავეში "ბროწეულისფრებს". წყარო: twitter.com/OfficialUSS1919