11 X 11
სპორტული პორტალი

ყველა ჩანაწერი

სალაჰი და კლოპი ნაჩხუბრები არიან?

ინსაიდერული ინფორმაციით, "ლივერპულის" მთავარ მწვრთნელს იურგენ კლოპსა და ეგვიპტელ თავდამსხმელს მოჰამედ სალაჰს შორის კონფლიქტია, რომელიც უკვე რამდენიმე თვეა გრძელდება და ამიტომაც სალაჰი სეზონის დასრულებისთანავე სხვა გუნდში გადავა.

ის მხეცი იყო და არა პირუტყვი: ვარსკვლავობა, 3 გარდაცვლილი, ციხე და ჩხუბები

ბრაზილიის ჩემპიონატის ისტორიაში მესამე ბომბარდირი, კოპა ამერიკას გამარჯვებული და მსოფლიოს ვიცე-ჩემპიონი; მატჩებისას ის უხეშად პასუხობდა პროვოკაციებზე, ეჩხუბებოდა მწვრთნელებს, სასამართლო გარჩევები ჰქონდა კლუბებთან და ციხეშიც ჩააყუდეს; „ფიორენტინასა“ და „ნაპოლის“ ორ წელიწადში 20 გოლის გატანით კი უფრო ავნო, ვიდრე სარგებელი მოუტანა; 30 წლის ასაკში იტალიაში საბოლოოდ მოახდინა საკუთარი თავის დისკრედიტაცია, Placar-ის გამოკითხვით ბრაზილიელი ფეხბურთელები ყველაზე მეტად ვერ იტანდნენ, გასცილდა მეუღლეს და იაპონიაში ჩარჩა.…

ჩაკვეტაძე ტრავმირებულია და ნაკრებს ისევ ვერ დაეხმარება

ნახევარმცველმა გიორგი ჩაკვეტაძემ ისევ ტრავმა მიიღო. "გენტის" მწვრთნელმა ჰეინ ვანჰაზებრუკმა "ოსტენდესთან" მატჩისწინა პრესკონფერენციაზე განაცხადა, რომ ჩაკვეტაძეს კუნთის პრობლემა აქვს, ზუსტად არ იცის რა სირთულისაა ტრავმა, თუმცა იმედოვნებს, რომ სეზონის ბოლოსკენ გუნდის დახმარებას შეძლებს. გიორგი "ეუპენთან" თასის მატჩის" განაცხადში კი იყო, მაგრამ არ უთამაშია. სამწუხაროდ, ჩაკვეტაძე საქართველოს ნაკრებს მარტში ჩასატარებელ შეხვედრებშიც ვერ დაეხმარება.

ბეილის ფასი 17-25 მილიონია

მადრიდის "რეალი" რომ "ტოტენჰემში" გაიჯარებული  გარეტ ბეილის დამბრუნებელი არაა, ადრე მოგახსნეთ. ახლა კი მისი გასაყიდი ფასი დაასახელა სამეფო კლუბმა - 17-25 მილიონი ევროს ფარგლებში. თუმცა, სხვა წყაროები 30 მილიონს ასახელებენ.

წიტაიშვილმა მძიმე ტრავმა მიიღო და ორი თვე იუქმებს

"ვორსკლას"  ნახევარმცველმა გიორგი წიტაიშვილმა, რომელმაც მალე საქართველოს მოქალაქეობა უნდა მიიღოს, მძიმე ტრავმა მიიღო. "მარიუპოლთან" უკრაინის ჩემპიონატის მე-17 ტურის გასვლით მატჩში გიორგი 67-ე წუთზე შევიდა შეცვლაზე, 84-ე წუთზე კი მასპინძელთა გუნდის ფეხბურთელი ტანკოვსკი ეუხეშა და თამაშის გაგრძელება ვერ შეძლო. მატჩი "ვორსკლამ" 1:0 მოიგო, მსაჯმა კი ტანკოვსკის მეორე ყვითელი ბარათი უჩვენა და გააძევა. პოლტავური კლუბის საიტის ცნობით, წიტაიშვილს მარცხენა ფეხის ნეკა თითის მოტეხილობა აქვს და დაახლოებით 2 თვე გაუცდება.

“ანორთოსისმა” ვერც ამჯერად იმარჯვა

კვიპროსის ჩემპიონატზე "ანორთოსისი" "ომონიასთან" ფრეს დასჯერდა - 0:0. "ანორთოსისში" გიორგი ლორიამ, ბუბა დაუშვილმა და თორნიკე ოქრიაშვილმა შეუცვლელად ითამაშეს, გიორგი ქვილითაია კი სასტარტოში იყო და მწვრთნელმა თემურ ქეცბაიამ 89-ე წუთზე შეცვალა. "ანორთოსისმა" ზედიზედ მეორე მატჩი დაასრულა ფრედ, 14 მარტს, მე-3 ტურში "ოლიმპიაკოსს" დაუპირისპირდება, იქამდე კი, 10 მარტს თასის განმეორებით 1/4-ფინალურ მატჩში "კარმიოტისას" შეხვდება. შეგახსენებთ, პირველი მატჩი ფამაგუსტურმა გუნდმა 2:1 მოიგო.
title="მეტი პოსტი"> მეტი პოსტი