ბრდღვნიან ბიჭები ყველაფერს – კიტეიშვილმაც გაიტანა

საქართველოს ნაკრების უმნიშვნელოვანესი მატჩების წინ გვახარებენ ქართველი ლეგიონერები – გოლი ოთარ კიტეიშვილმაც გაიტანა.

ავსტრიის ბუნდესლიგის მე-4 ტურში მისმა “შტურმმა” გრაცში 4:0 დაამარცხა “ალტახი”. ოთარმა გოლი 41-ე წუთზე გაიტანა, როდესაც ანგარიში 2:0 იყო. ის 73-ე წუთზე შეცვალეს.

კიტეიშვილი ჩვენი ეროვნული გუნდის მწვრთნელმა ვლადიმირ ვაისმა უახლოესი სამი შეხვედრისთვის გამოიძახა.