მხითარიანს საქართველოს ნაკრების გაოცებისა და დამარცხების იმედი აქვს
ტრავმით გამოწვეული 14-თვიანი პაუზის შემდეგ სომხეთის ნაკრებს კაპიტანი ჰენრიხ მხითარიანი დაუბრუნდა. მან საქართველოსთან ერთა ლიგის მესამე ტურის მატჩის წინ ერთობ ოპტიმისტური განცხადება გააკეთა:
“ბიჩახჩიანთან ერთად პირველად ვივარჯიშე, ძალიან ნიჭიერი ფეხბურთელია. სწავლის სურვილი აქვს. თუ იშრომებს, ბევრს მიაღწევს. ჩვენ ახალგაზრდების დახმარებას ვცდილობთ. ნაკრები ოჯახია, სადაც ყველა ერთმანეთის დასახმარებლად მზადაა.
ასევე დაგაინტერესებთ
მომავალი შეხვედრის მნიშვნელობა გვესმის, გამარჯვებისა და სატურნირო მდგომარეობის გასაუმჯობესებლად ყველაფერს გავაკეთებთ.
საქართველოს თამაში გავაანალიზეთ. უკანასკნელი მატჩები ურიგოდ არ ჩაატარეს, მაგრამ ეს არაფერს არ ნიშნავს. ვეცდებით მეტოქე გავაოცოთ და წარმატებას მივაღწიოთ”.