ჩემპიონთა ლიგის „პორტუსთან“ მატჩში „სიტის“ 35 წლის ბრაზილიელი ნახევარმცველი ფერნანდინიო შეცვლაზე შევიდა და ათ წუთში მოედნის დატოვება მოუხდა, რადგან ფეხი აიტკივა. ექიმების დასკვნით, მას ძველი ტრავმის რეციდივი განუვითარდა და 4-6 კვირა ვერ ითამაშებს, რამაც გუნდის მთავარი მწვრთნელი პეპ გვარდიოლა ძალიან შეაწუხა, ამ დაძაბული მატჩების პერიოდში ფერნანდინიო ძალიან მჭირდებოდაო.
