11 X 11
სპორტული პორტალი

ინგლისელმა ფორვარდმა სახელმწიფოს ბავშვთა უფასო კვების პროგრამა არ გააუქმებინა, ახლა კი უკეთესობისკენ აცვლევინებს

Manchester United's English striker Marcus Rashford gestures during the English Premier League football match between Manchester United and Chelsea at Old Trafford in Manchester, north west England, on October 24, 2020. (Photo by Michael Regan / POOL / AFP) / RESTRICTED TO EDITORIAL USE. No use with unauthorized audio, video, data, fixture lists, club/league logos or 'live' services. Online in-match use limited to 120 images. An additional 40 images may be used in extra time. No video emulation. Social media in-match use limited to 120 images. An additional 40 images may be used in extra time. No use in betting publications, games or single club/league/player publications. / (Photo by MICHAEL REGAN/POOL/AFP via Getty Images)
0

დიდი ბრიტანეთი მესამე სახელმწიფო კარანტინზე გადავიდა – სკოლები მოსწავლეთა უმრავლესობისთვის დაიკეტა. მცირეშემოსავლიან ოჯახებს აქვთ უფლება კვების ვაუჩერი აიღონ – 30 ფუნტის ღირებულების საკვები ყოველ 10 დღეში, თუმცა, თანხის ან ვაუჩერის ნაცვლად პროდუქტის კალათებს იღებენ.

ამ საკითხით “მანჩესტერ იუნაიტედის” ფორვარდი მარკუს რეშფორდი დაინერესდა და საკმაოდ სერიოზულადაც.

ერთერთმა მშობელმა ჩათვალა, რომ კალათაში მოთავსებული საჭმელი 30 ფუნტის ღირებულებაზე გაცილებით ნაკლები იყო.

“ამას ხომ სუპერმარკეტში 5,22 ფუნტად ვიყიდდი. კომპანიამ, რომელმაც ეს ტენდერი მოიგო, დიდი მოგება ნახა.”

პოსტი რეშფორდმა გააზიარა და დაწერა: “თუ ოჯახებს 30 ფუნტის საკვების მიღების უფლება აქვთ, რატომ მიაქვთ მათთან მხოლოდ 5 ფუნტის პროდუქტი? ეს მიუღებელია.”

კომპანია Chartwells, რომელმაც სახელმწიფოსაგან საჭმლის დარიგების უფლება მოიგო, შეეცადა აეხსნა:

“მადლობა, რომ ამ საკითხზე ყურადღება გაამახვილეთ, თუმცა ეს ჩვენი არცერთი კალათის სპეციფიკაციას არ შეესაბამება. იქნებ იმ სკოლის შესახებ, სადაც თქვენი შვილი დადის, შეგვატყობინოთ და ჩვენ ყველაფერს გადავამოწმებთ.”

მარკუსს აქ არ გაჩერებულა და უფრო პრობლემის კუთხით უფრო ღრმად წავიდა:

“ეს საკვები ერთ ოჯახს 3 დღე უნდა ეყოს… ეს ხომ საკმარისი არ არის…

წარმოიდგინეთ, ჩვენ ველოდებით, ბავშვები სახლებიდან ისწავლიან. არაფერს ვამბობთ მშობლებზე, რომლებსაც, ზოგჯერ მათი მეცადინეობა უწევთ და დიდი ალბათობით, ზოგჯერ არაფერს ჭამენ, რათა შვილები მშივრები არ დარჩეთ.

ჩვენ მეტს უნდა მივაღწიოთ, ეს ხომ 2021 წელია.”

აი, კიდევ ერთი:

აი, მარტივი შედარებაც: მარცხნივ 30 ფუნტად შეძენილი საკვებია, მარჯვნივ კი Chartwells-ის კალათა. “ეს სამარცხვინო დაცვინვაა იმ ბავშვებისა, რომლებსაც ქვეყანაში ყველაზე მეტად უჭირთ.”

რეშფორდის აქტივობამ უკვე ბრიტანეთის მთავრობის საპასუხო რეაქციაც გამოიწვია. ბავშვთა საკითხებში მინისტრმა ვიკი ფორდმა “ტვიტერზე” დაწერა, რომ “ამ საკითხს სასაწრაფოდ მოკვლევს”.

განათლების სამინისტრომ კი განაცხადა:

“ჩვენ აღნიშნულ საკითხს ვიკვლევთ. ჩვენ დასარიგებელი კალათების შესახებ მკაცრი კრიტერიუმები გვაქვს და იმედია, მათ ასრულებენ. ამანათები შესაბმისი უნდა იყოს და მრავალფეროვან პროდუქტს შეიცავდეს.”

მთავარო ოპოზიციური პარტიის, ლეიბორისტების ლიდერი კირ სტარმერი ასევე გამოეხმაურა აღნიშნულ პრობლემას:

“სასკოლო სადილის საშინლად შეუსაბამო პაკეტის ფოტოებმა ინტერნეტი მოიცვა, ეს სამარცხვინოა. სად მიდის ეს ფული? ეს სასწრაფო გადაწყვეტილებას მოითხოვს, რათა ოჯახები შიმშილით არ იტანჯებოდნენ.”

Chartwells-სთან საუბრის შემდეგ რეშფორდმა რამდენიმე ტვიტი კიდევ დადო.

“დღეს თამაში მაქვს, თუმცა გამართული დიალოგის შესახებ მინდოდა მეთქვა. მოუთმენლად ველოდები Chartwells-სა და განათლების სამინისტროს შორის გამართული შეხვედრის შედეგებს.”

აი, პროდუქტების მიმწოდებელ კომპანიასთან საუბრის შემდეგ რა დასკვნები გამოიტანა მარკუსმა:

* “უფასო სასკოლო კვება დღეს მოსწავლისათვის 2 კვირაში 10 სადილს გულისხმობს. პირველ რიგში, სწორედ ეს მადარდებს. ორშაბათიდან პარასკევის ჩათვლით დღეში ერთხელ ჭამა საკმარისია კი ბავშვებისათვის?”

* “ქვეყანაში უამრავი საწარმო გვაქვს, რატომ არ შეგვიძლია მათი მობილიზაცია პროდუქტების დასარიგებლად? თუ მე ზედმეტად გულუბრყვილო ვარ?”

* Chartwells-ს სკოლაში უფასო საკვები მაშინ მიაქვს, როცა სასწავლო დაწესებულებები მუშაობენ. Chartwells დიდ ბრიტანეთში საკვების ექსკლუზიური დამტარებელი არ არის. ისინი შეეცადნენ აეხსნათ, რომ კომპანიის კალათებს დამხმარე რეცეპტი აქვს და ოჯახებს მათი ამოცნობა ადვილად შეუძლიათ.”

* მას შემდეგ, რაც კალათებს სასკოლო ქსელში მიიტანენ, სკოლებს თავად აქვთ უფლება გადაწყვიტონ, როგორ გაანაწილებენ მათ. სკოლებო, თუ ასე არ არის, მითხარით.”

* ნათელი ერთი რამ არის: დამტარებლებს ძალიან მცირე ინფორმაცია მიაწოდეს კარანტინის მოახლოებასთან დაკავშირებით. ჩვენ მეტს უნდა მივაღწიოთ. ბავშვები არ უნდა შიმშილობდნენ იმის გამო, რომ ჩვენ კომუნიკაციის პრობლემა გვაქვს ან გეგმებს არ ვახმოვანებთ. ეს დაუშვებელია.”

ოთხშაბათს მარკუსმა დაწერა:

“ცოტა ხნის წინ ვესაუბრე პრემიერ-მინისტრს. მან მითხრა, რომ პროდუქტების კალათებთან არსებული პრობლემის სრულად აღმოფხვრა უნდა და აღნიშნული საკითხის სრულფასოვანი ანალიზით არიან დაკავებული. ის იზიარებს პოზიციას, რომ ფოტოებზე გამოსახული კალათების დარიგება მიუღებელია.”

გასულ წელს “მანჩესტერ იუნაიტედის” ფორვარდმა წამოიწყო კამპანია, რომლის მიზანი გახლათ ის, რომ მთელ ბრიტანეთში 1,3 მილიონ ბავშვს, რომლებიც გაჭრვებულ ოჯახებში ცხოვრობენ, უფასო საჭმელი საზაფხულო არდადეგების დროსაც მიეღოთ. აღნიშნულმა კამპანიამ ბრიტანეთის მთავრობა აიძულა გადაწყვეტილება შეეცვალა და ბავშვების დახმარების პროგრამა კვლავ აამუშავა.

მისი დამსახურების სანაცვლოდ, დიდი ბრიტანეთის დედოფალმა მას ქვეყნის უმაღლესი ორდენი უბოძა ((Member of the Most Excellent Order of the British Empire).

წყარო: BBC

სხვა სიახლეები

გააკეთე კომენტარი

თქვენი ელ.ფოსტის მისამართი არ იქნება საჯარო