11 X 11
სპორტული პორტალი

არშემდგარი ქართული დერბი: შერმადინი 9 ქულას დასჯერდა, ბურჯანაძეს არ უთამაშია

0
ესპანეთის ჩემპიონატის მორიგ, მეცხრამეტე ტურში ქართველი კალათბურთელების გუნდები დაუპირისპირდნენ, თუმცა საქართველოს ნაკრების წევრები ერთმანეთს მოედანზე არ შეხვედრიან. “გრან კანარიაში” კვლავ არ ათამაშეს ბექა ბურჯანაძე, ხოლო გიორგი შერმადინი ტრადიციულად “იბეროსტარ ტენერიფეს” სასტარტო ხუთეულში იყო, თუმცა ამჯერად მას ჩვეული შედეგიანობა არ გამოუვლენია. ამის მიზეზი ის იყო, რომ თამაშის ბედი მალევე ტენერიფელთა სასარგებლოდ გაირკვა და მწვრთნელმაც შერმადინი აღარ დატვირთა. ქართველმა ცენტრმა 12:38 წუთი ითამაშა, რა დროშიც 9 ქულა, 3 მოხსნა, 3 პასი და 1 ჩაჭრა მოაგროვა. გიორგიმ 6-დან 4 ორქულიანი და 1 საჯარიმო ჩააგდო, მისმა სარგებლიანობის ინდექსმა კი 11 შეადგინა. საუკეთესო ამ მხრივ სპენსერ ბატერფილდი იყო, რომელმაც 21 ქულა, 4 მოხსნა და 5 ჩაჭრა მოაგროვა. ტენერიფემ საბოლოოდ 108:87 მოიგო და კვლავ მესამე ადგილზე დარჩა. შერმადინის გუნდს 15 მოგება და 4 მარცხი აქვს, შემდეგ ტურში კი “მანრესას” უმასპინძლებს. შეხვედრა 24 იანვარს, ტენერიფეში გაიმართება. GBF.GE
სხვა სიახლეები

გააკეთე კომენტარი

თქვენი ელ.ფოსტის მისამართი არ იქნება საჯარო