11 X 11
სპორტული პორტალი

ის მხეცი იყო და არა პირუტყვი: ვარსკვლავობა, 3 გარდაცვლილი, ციხე და ჩხუბები

0
ბრაზილიის ჩემპიონატის ისტორიაში მესამე ბომბარდირი, კოპა ამერიკას გამარჯვებული და მსოფლიოს ვიცე-ჩემპიონი;მატჩებისას ის უხეშად პასუხობდა პროვოკაციებზე, ეჩხუბებოდა მწვრთნელებს, სასამართლო გარჩევები ჰქონდა კლუბებთან და ციხეშიც ჩააყუდეს;„ფიორენტინასა“ და „ნაპოლის“ ორ წელიწადში 20 გოლის გატანით კი უფრო ავნო, ვიდრე სარგებელი მოუტანა;Зверь, а не Скотина. Как Эдмундо потопил «Наполи» и лишил «Фиорентину» чемпионства30 წლის ასაკში იტალიაში საბოლოოდ მოახდინა საკუთარი თავის დისკრედიტაცია, Placar-ის გამოკითხვით ბრაზილიელი ფეხბურთელები ყველაზე მეტად ვერ იტანდნენ, გასცილდა მეუღლეს და იაპონიაში ჩარჩა. 2020 წელს იქ გაიგო, რომ მისი ძმა ლუიზინიო რიოში მოკლული, Fiat Palio-ს საბარგულში იპოვეს.ლუიზინიო ფილტვის უკმარისობით დაიბადა და სიკვდილს ძლივს გადაურჩა. ახალგაზდრობაში კოკაინზე შეჯდა, ედმუნდომ ერთი წლით საავადმყოფოში სამკურნალოდ დააწვინა, ბაპტისტურ ეკლესიაში დაიწყო სიარული, ხოლო ერთი თვის შემდეგ აურია. ოთხჯერ დააპატიმრეს ქურდობისა და ნარკოტიკების შენახვისათვის, მამას ფულს ჰპარავდა და კარგა ხნით უჩინარდებოდა.ედმუნდო ძმის გამო მუდმივი შიშით ცხოვრობდა, პატრონობდა, ბოლოს მობეზრდა და მშობლებს უთხრა, რომ როდესაც მოკვდებოდა, გამოიტირებდა.

ბიჭი, რომელსაც სიყვარული სჭირდება

სამოცდაათიან წლებში მისი მშობლები – პარიკმახერი რეინალდო და მზარეული სირლი ღარიბულად ცხოვრობდნენ სახლში, რომელსაც იატაკიც არ ჰქონდა. თუმცა, ედმუნდოს დეიდები პატრონობდნენ. ერთი ეროვნულ ბანკში მუშაობდა, მეორე კი სანტა კრუსის კოლეჯში მასწავლებელი იყო. ორივენი უშვილონი გახლდნენ და ბიჭს ანებივრებდნენ.„ბოტაფოგოს“ საერთო საცხოვრებელმა ვერ გატეხა, სადაც 8 ადამიანისთვის განკუთვნილ ოთახში 30 ადამიანს ეძინა. საშინელი სიცხის გამო შიშვლები იყვნენ და დედაშობილა აბაზანაში მიმავალი დერეფანში დირექტორის მეუღლეს გადაეყარა. ქალი გადაირია: „ეს სოფლელი ნუდისტი ვინ არის? გაეთრიე საერთო საცხოვრებლიდან!“სახლიდან ისევ ოთხი საათის სავალზე მგზავრობა არ ისურვა და როდესაც „ვასკუ და გამამ“ უხმო, რა თქმა უნდა, დათანხმდა. „ბოტაფოგომ“ საერთო საცხოვრებლიდან გააგდო, გუნდიდან კი არა და დედამ უთხრა: „ლატარეა მოვიგეთ, სან-პაულუში გადავდივართ საცხოვრებლად, გაათავისუფლეთ ჩემი შვილი“.გაათავისუფლეს, რიოში დარჩა და ნახევარი წლის შემდეგ „ვასკუ და გამას“ შემადგენლობაში ბრაზილიის ჩემპიონატზე ითამაშა. განაცხადში თავისი ძმის სეხნიის, დისკვალიფიცირებული ლუიზინიოს ნაცვლად მოხვდა, „კორინთიანსის“ დამარცხებაში მიიღო მონაწილეობა (4:1) და პრემიალურით „ბოტაფოგოში“ თავისი მეგობრის დედას სარეცხი მანქანა უყიდა – ადრე მათთან ღამეს ათევდა.ერთი წლის მერე მართლაც გადაბარგდა სან-პაულუში. კომპანია Parmalat-მა იტალიური წარმოშობის ბრაზილიელებში პოპულარული „პალმეირასის“ აღორძინება დაიწყო და მაგარი შემადგენლობა შეკრიბა: რობერტო კარლოსი, ედილსონი, ანტონიო კარლოსი, სეზარ სამპაიო, მაზინიო და ზინიო. ედმუნდო 1.8 მილიონ დოლარად იყიდეს, რაც იმ დროს ქვეყანაში სარეკორდო ტრანსფერი იყო.ოთხი თვის თავზე შტატის ჩემპიონატზე „ფეროვეარიას“ თქვენი მოწონებული გოლი გაუტანა, თავისი გუნდი ფინალში გაიყვანა და TV Manchete-ს კომენტატორმა ოსმარ სანტოსმა დაიყვირა: „ედმუნდო – მხეცი!“ ოსმარმა თავისი შვილებიდგან იცოდა, თითქოს „მხეცი“ ახალგაზრდებში საქებარ სიტყვად ითვლებოდა და ამ კომპლომენტით ბევრს აჯილდოებდა, თიკუნად კი მხოლოდ ედმუნდოსთვის იქცა. ყველას ეგონა ფეხბურთელს ეს მეტსახელი მისი მშფოთვარე ხასიათის გამო შეარქვეს, მაგრამ სინამდვილეში ასე არ იყო. მოკლედ, 17 წლის განმავლობაში ტიტულის გარეშე ყოფნის შემდეგ გუნდმა მოგებათა ორწლიანი სერია დაიწყო შტატისა და ქვეყნის ჩემპიონატებზე.ბევრი გოლი გაიტანა და მსაჯ სიდრაკ მარინიოს გაულაწუნა, მასობრივი ჩხუბი დაიწყო „სან-პაულუსთან“ (მცველმა ანდრემ სასამართლოში უჩივლა კიდეც), თანაგუნდელ ანტონიო კარლოსთან ვარჯიშზე შეხლ-შემოხლა ჰქონდა, როდესაც შეცვალა, მწვრთნელ ლუშემბურგოს ეკამათა და ა.შ. ეს მერე ძვირად დაუჯდა – 1994 წელს, როცა ბრაზილიამ მუნდიალი მოიგო, მწვრთნელმა პარეირამ ტურნირზე ედმუნდო კი არა, რონალდო წაიყვანა.
შემდეგ: ლიბერტადორესის თასი, ეკვადორი, კიტო და შესვენებაზე გასვლის წინ გაცუდებული პენალტი. გუნდების მოედნიდან გასვლისას ტელეოპერატორი წაიქცა, ედმუნდომ კი ჩართულ კამერას ფეხი ჰკრა. მაგარი ვიდეო გამოვიდა, ჟურნალისტებმა უჩივლეს და ორი დღე ეკვადორში დარჩენა მოუწია. ოღონდ, ის ორი დღე ციხეში კი არა, არამედ სასტუმროს კაზინოში „პალმეირასის“ მეკარეების მწვრთნელ ვალდირ დე მორაესთან ერთად გაატარა.
მალე ჟურნალმა Placar-მა ედმუნდოს ფოტოსესია გამოაქვეყნა, რომელიც დათვის ბელს ეფერებოდა და აღიარებდა: „მე ბანდიტი კი არა, ბიჭი ვარ, რომელსაც სიყვარული სჭირდება“.

სახიფათო გასტროლები და 3 ცხედარი

იმ მომენტისთვის ბიჭი უკვე ნახევარი წელი მამა იყო – მოდელ კრისტინა მორტაგუასგან ქორწინების გარეშე შვილი ალეშანდრე შეეძინა (ის მომავალში კინორეჟისორი გახდა და აღიარა, რომ ჰომოსექსუალია და დედა განკურნებას ევანგელისტული რიტუალებით ცდილობდა), ერთი თვის მერე კი ედმუნდოს მეუღლემ, ადვოკატმა ადრიანა სორენტინომ ქალიშვილი ანა გააჩინა.მაშინ გიჟური მეოთხედფინალები გააცდინა „გრემიოსთან“ (სტუმრად 0:5, სახლში 5:1), თავისი პერსონით ევროპული გრანდები დააინტერესა, მაგრამ „ინტერზე“ და „რეალზე“ მეტი „ფლამენგომ“ შესთავაზა და დათანხმდა. „ფლამ“ დაარსების 100 წლისთავზე თავდამსხმელების ვარსკვლავური ტრიო შეკრიბა: სავიო – რომარიო – ედმუნდო.ჩემპიონატის სტარტზე კლუბის პრეზიდენტმა კლებერ ლეიტემ სახიფათო გასტროლები ჩაატარა – მატჩების ჩატარების უფლება სხვა ქალაქებს მიჰყიდა. შედეგად, ცოტას ვარჯიშობდნენ, დროს მგზავრობას ანდომებდნენ, საღამოებს ატარებდნენ და მეოთხე ადგილზე გავიდნენ. ხელფასებსაც უგვიანებდნენ, ედმუნდომ ტრანსფერის კუთვნილი პროცენტი (750 ათასი დოლარი) არ მიიღო და ნოემბერში „ინტერნასიონალესთან“ მატჩში მარჯვენა ფეხის ტრავმით დაჯილდოვდა.თაბაშირის მოხსნა და ყავარჯნების გადაგდება 1995 წლის დეკემბერში ღამის კლუბ Rodrigo de Freitas Lagoon-ში აღნიშნა. შემდეგ მეგობარ მარკო ბარასთან და სამ გოგონასთან ერთად პლაჟზე წავიდა, გზაში მისი ჯიპი Fiat Uno-ს შეეჯახა, რომლის ორი მგზავრი გარდაიცვალა. ედმუნდოს ავტომობილი სამჯერ გადაბრუნდა, თავად შუბლი ძალიან დაუზიანდა, გოგონებს შორის უფროსმა, 19 წლის დებორამ მენჯის ძვლის და მეხუთე მალის დაზიანება მიიღო, ხოლო უმცროსი, 16 წლის ჟოანა შიდა სისხლდენისაგან გარდაიცვალა.„საუბარით გავერთე და ვერ შევნიშნე, რომ ჩემს წინ მანქანამ მკვეთრად მოუხვია, შედეგად 3 ადამიანი გარდაიცვალა. ინციდენტის მონაწილე 6 ადამიანის ოჯახებს უზარმაზარი კომპენსაცია გადავუხადე და ეს მიუხედავად იმისა, რომ თავს ერთადერთ დამნაშავედ არ მივიჩნევდი“, – უთხრა თავის ბიოგრაფს, Placar-ის ყოფილ შეფ-რედაქტორ სერჟიო შავიერს.

გაძევება შემდეგ მატჩში სათამაშოდ

 
 
View this post on Instagram
 

A post shared by Edmundo Souza (@edmundosouza10)

„ფლამ“ ის ერთი წლით „პალმეირასის“ მთავარ მეტოქეს, „კორინთიანსს“ მიანათხოვრა, რომელიც ედმუნდომ რამდენიმე თვის წინ დატოვა. ასეთ გამომწვევ გადასვლაზე ნებართვა „კორინთიანსის“ ფანატთა ლიდერ პაულო სერდანს სთხოვა. უნდოდა დარწმუნებულიყო, რომ კარგად მიიღებდნენ და სან-პაულუში მშვიდად შეძლებდა სიარულს. როდესაც ამაში დარწმუნდა, თვალზე კურცხალი მოადგა – რამდენიმე თვე უხელფასოდ ყოფნის, ტრავმისა და ავტოავარიის შემდეგ.წააგეს შტატის ჩემპიონატი „პალმეირასთან“? არა უშავს. მწვრთნელი ედუარდო ადომირი ტურნირისას ფეხბურთელებს ლიბერტადორესის თასისთვის მოსამზადებლად დასვენების საშუალებასაც კი აძლევდა.აპრილის შუა რიცხვებში „ბოტოფაგოსთან“ თამაშის ნაცვლად ედუარდომ ოჯახში წასვლა დაგეგმა, შაბათს მომღერალ ლეონარდოსთან შეყოვნდა და თვითმფრინავზე დააგვიანა. მატჩამდე საათნახევრით ადრე გაეღვიძა, „პაკაემბუს“ სტადიონზე მივიდა და თამაში მოითხოვა.ბუცები ქალაქის მეორე ბოლოში „კორინთიანსის“ ბაზაზე ჰქონდა, ნაცნობი მოტოციკლისტი გააგზავნა, მიატანინა და მეორე ტაიმში მარსელინიოს პასით გამარჯვების გოლი გაიტანა. შემდეგ ჩილეს „უნივერსიდადთან“ ანგარიში გახსნა. საერთოდ, უგოლოდ იშვიათად ტოვებდა მოედანს (22 გოლი 29 მატჩში), მაგრამ მეოთხედფინალი „გრემიოსთან“ წააგეს, კლუბმა გვარიანი თანხა იზარალა და ედმუნდოს კონტრაქტის გამოსყიდვაზე უარი განაცხადა.გახურებული სეზონისას „ვასკუში“ გადაბარგდა, რომლის ბოსმა ეურეკო მირანდამ საპრეზიდენტო არჩევნების წინ ედმუნდოში 5 მილიონი დოლარი გადაიხადა, მოგებებისათვის პრემიებიც გაზარდა და მისი თხოვნით ბრაზილიის ნაკრებისა და „პალმეირასის“ექს-ფორვარდი ევაირი დაიმატა.ასაკში სხვაობის გამო ედმუნდო და ევაირი ახლოს არ იყვნენ, მაგრამ მოედანზე შესანიშნავად ურთიერთმოქმედებდნენ. ევაირის გამო მწვრთნელ ანტონიო ლოპესთან კონფლიქტიც მოუვიდა. ლოპესს არ მოსწონდა ევაირი, ხშირი შეცვლებით წყობიდან გამოჰყავდა და ოქტომბერში „კურიტიბასთან“ შეხვედრაში, როდესაც ანგარიში 3:1 იყო, მის ნაცვლად მოედანზე ნახევარმცველ პედრინიოს შეშვება დააპირა.ეს რომ შეამჩნია, ჰეთ-თრიკის ავტორმა ედმუნდომ თავად დატოვა მოედანი, მწვრთნელს მიუჯდა და უთხრა: „რატომ ცვლით ყოველ მატჩში? ის გვჭირდება. თუ წავა, ჩვენ გაგვანდგურებენ“. ლოპესმა არ უპასუხა, მაგრამ ჩემპიონატის მთავარი ბომბარდირის წინააღმდეგ ვერ წავიდა.29 გოლი გაიტანა და ჩემპიონატის რეკორდი დაამყარა. თუმცა, შუა სეზონისას ხშირად ურევდა: ორჯერ გააძევეს, ამერიკის თასის ფინალში კი ბოლოვიელ პროვოკატორ კრისტალდოს ხელი დაარტყა.მსაჯისგან განსხვავებით ნაკრების მწვრთნელმა ზაგალომ ეს დაინახა და ნახევარ წელზე მეტი ხანი მის იგნორირებას ახდენდა.სამაგიეროდ მის 22 წლის თანაკლუბელ ჟუნინიო პერნამბუკანოს იძახებდა.“ვასკუს“ პრეზიდენტი მირანდა არაორდინალურად გამოეხმაურა – ჟუნინიოს პრემიალური არ მისცა და ნაკრებიდან დაბრუნებული უხეიროდ ბურთაობაში დაადანაშაულა. ჟუნინიომ ედმუნდოს შესჩივლა, რომელმაც ამაოდ ურჩია პრეზიდენტს პერნამბუკანოსთვის თავი დაენებებინა. მაშინ ედმუნდომ ჟუნინიოს თავისი ჯიბიდან გადაუხადა ბონუსი, მან კი ფინიშის სწორზე „პალმეირასთან“ თავის გუნდის ფინალში „პალმეირასთან“ გამარჯვება ზუსტი საგოლე პასებით უზრუნველყო.პირველ მატჩში ედმუნდომ ბურთი როკე ჟუნიორს ესროლა და ყვითელი ბარათი მიიღო. ეს მისი მესამე გაფრთხილება გახლდათ და მეორე შეხვედრაში დისკვალიფიკაცია დაემუქრა. თუმცა, თუ წითელ ბარათს მიიღებდა, გააპროტეტებდნენ და ედმუნდოს განმეორებით მატჩში მონაწილეობის უფლებას მიიღებდნენ – აი, ასეთი უცნაური რამეებიც ხდებოდა ბრაზილიაში.და ედმუნდომ ნამატჩევს მცველ კლებერს მკერდში ქუსლი ჩაარტყა, წითელი ბარათი მიიღო, აპელაცია მოიგეს, ოქროს მედლების მოგებაში დაეხმარა და იმ ფეხბურთელებისა და თანამშრომლებისათვის, რომლებსაც ავტომობილი არ ჰყავდათ, 11 მანქანა მიაცემინა.

საფრანგეთში რისხვა დაიმსახურა

ნაკრებში რომარიოს ტრავმის მერე დაბრუნდა, მსოფლიოს 1998 წლის ჩემპიონატზე რონალდოს საუკეთესო მეწყვილედ ითვლებოდა, მაგრამ რადიოინტერვიუში მწვრთნელ ვაშინგტონ როდრიგესს უთხრა, რომ ბებეტოზე უკეთესი იყო. ეს ზაგალოს არ მოეწონა, 34 წლის ბებეტო ტურნირზე ძირითად შემადგენლობაში დააყენა, ხოლო ედმუნდო ფინალამდე მხოლოდ მაროკოსთან 18 წუთი ათამაშა.მატჩის დღეს რონალდო შეუძლოდ გახდა, გამოკვლევაზე პარიზის გარეუბანში წაიყვანეს, ზაგალომ კი 1962 წლის მუნდიალის მაგალითზე მიანიშნა, თუ როგორ წარმატებულად შეცვალა ამარილდომ ტრავმირებული პელე და ფინალში ჩეხოსლოვაკიასთან ანგარიში გახსნა. ედმუნდოს იმედი მიეცა, მაგრამ თამაშის დაწყებამდე ნახევარი საათით ადრე რონალდო გასახდელში შევიდა და მწვრთნელს აცნობა, რომ მზად იყო.რამდენიმე დღის შემდეგ რონალდომ Globo TV-სთან აღიარა, რომ ვალიუმი მიიღო და ამიტომ იყო მოდუნებული. ედმუნდო 75-ე წუთზე შევიდა შეცვლაზე, როდესაც ანგარიში 0:2 იყო და ვერაფრის გაკეთება ვერ შეძლო.„ფიორენტინასთან“ „ბარსელონას“ წინადადებით სპეკულაცია მოახდინა და კონტრაქტში პუნქტი შეატანინა, რომლის მიხედვით ბრაზილიის კარნავალზე წასვლის უფლება ჰქონდა, რითაც ისარგებლა და სერია А-ში მხოლოდ 5 წუთი ითამაშა.

„ფიორენტინა“ ცალ ფეხზე ეკიდა

„ლაციოსთან“ შეცვლაზე მატჩის დასასრულს შევიდა, „მილანთან“ სათადარიგო იყო და მწვრთნელ მალეზანის შესჩივლა. ის დაჰპირდა, რომ ნაკრებიდან დაბრუნებულს ათამაშებდა. სანამ ედმუნდო კონკაკაფის თასზე აშშ-ში ასპარეზობდა, „ფიორენტინამ“ გამარჯვებათა სერია გააგრძელა და როდესაც ბრაზილიელი დაბრუნდა, მალეზანიმ შეტევაში ბატისტუტასა და ოლივეირას დუეტი არ შეცვალა.„ფლორენციაში კარნავალამდე ერთი კვირით ადრე დავბრუნდი, მწვრთნელმა ისევ სათადარიგოთა სკამზე მიმიჩინა ადგილი. გაცოფებული ვიყავი. ვერ ვიტან, როდესაც მატყუებენ, ავიღე ბილეთი და სამშობლოში გავფრინდი. ზაგალომ მითხრა, რომ თუ არ ვითამაშებდი, მუნდიალზე არ წამიყვანდა და იტალიაში დავბრუნდი“, – იხსენებდა ედმუნდო.97/98 წლების სეზონის ფინიშზე 4 გოლი გაიტანა და ახალ მწვრთნელ ტრაპატონის ხელფასის მომატება მოსთხოვა. უნდოდა იმდენი მიეღო, რამდენსაც ბატუსტუტა და რუი კოშტა იღებდნენ. „რუი და გაბი მეგობრობდნენ და ედმუნდოსგან ცოტა შორს ეჭირათ. არ ვიცი, ეს იმის გამო ხდებოდა, რომ ბრაზილიელი გახლდათ თუ მიზეზი მხეცის აუტანელი ინფანტილიზმი იყო. ედმუნდო ლამის ტიროდა: „რუი და გაბი კარგები არიან, მაგრამ მათზე უარესი არ ვარ. რატომ მცვლით მე და არა მათ?“, – დაწერა ტრაპატონიმ თავის ავტობიოგრაფიაში.მე ავუხსენი: „შენ ძალიან კარგი ხარ. შეცვლებით ამას ეჭვქვეშ არ ვაყენებ, მხოლოდ ყველა ტურნირზე წარმატების მისაღწევად განტვირთვას ვახდენ“. ეს მის სახლში სტუმრობისას ვუთხარი. ის ბავშვებს ესიყვარულებოდა და მივხვდი, რომ ერთმანეთს გავუგეთ“.რამდენიმე დღის შემდეგ ტრაპატონიმ „რომასთან“ მეორე ტაიმში შეცვალა, ედმუნდომ პორტუგალიურ ენაზე შეურაცხყოფა მიაყენა, მერე კი თანაგუნდელ მცველ ბიჯიკას წაეჩხუბა. შემდეგ ედმუნდოს 5 გოლი „ფიორეს“ გალიდერებაში დაეხმარა და თებერვალი დადგა. „ხელფასი დამიგვიანეს“, – ამტკიცებს ედმუნდო წიგნში „მხეცის ინსტიქტში“. ერთი სიტყვით, კონტრაქტით ისარგებლა და ბრაზილიაში გაემგზავრა.ტრაპატონი: „თავისი გეგმის შესახებ „მილანთან“ დაპირისპირებმდე რამდენიმე დღით ადრე მაცნობა. მითხრა, რომ მნიშვნელოვანი საკარნავალო ანსამბლის ხელმძღვანელი იყო და რიოში უნდა გაფრენილიყო. „ჯანდაბა, ჩვენ ხომ სკუდეტოსთვის ვიბრძვით!“ – „ვიცი, მაგრამ თქვენ გყავთ ბატისტუტა და ოლივეირა. მისტერ, მართლა მელიან ბრაზილიაში“.ვუპასუხე: „ბატისტუტას ტრავმის გამო ვერ გაგიშვებ. კარნავალი შენს გარეშე ჩატარდება. გაბრაზდა და მომიგო: „არც მთხოვოთ, ყველაფერი გადაწყვეტილია. ჩემოდნები ჩალაგებული მაქვს, ოჯახი მელოდება“.„მილანთან“ ნამატჩევს ჯოვანიმ შეიტყო, რომ ბატისტუტას კარგა ხანი გაუცდებოდა, ედმუნდო კი უკვე პიზას აეროპორტისაკენ მიჰქროდა. ტრაპატონი გაეკიდა და ტერმინალთან მიასწრო: „როდესაც დამინახა, გაქცევა სცადა, მის წინაშე მუხლებზე დავეცი, დარჩენას ვთხოვდი, ვეუბნებოდი, რომ ბატისტუტასა და რუი კოშტაზე მაგარი იყო, მაგრამ მივხვდი, რომ „ფიორენტინა“ ფეხებზე ეკიდა“.ედმუნდო: „როდესაც კარნავალზე ვიმყოფებოდი, „ფიორე“ „უდინეზესთან“ დამარცხდა, სატურნირო ცხრილში დაქვეითდა და ამაში მე დამადანაშაულეს. დავბრუნდი, მაგრამ „მილანი“ აღარ აგებდა და ჩემპიონი გახდა. ფულს არ მიხდიდნენ და თანხის სასამართლოს დახმარებით ამოღება მომიწია“.

ფლორენციიდან ნეაპოლამდე

ფლორენციის შემდეგ ბრაზილიაში ჩვეულად დაიწყო ცხოვრება. მეორე შვილის დაბადების აღნიშვნისას (2019 წელს მისი „ფიგეირენსეში“ დებიუტი შედგა) შიმპანზე შამპანურით დაათრო და ცხოველთა დაცვის საზოგადოებამ უჩივლა, ხოლო მეორე დღეს იმის გამო დააპატიმრეს, რომ თავისი პირველი შვილის დედას ალიმენტს არ უხდიდა. მას შემდეგ ედმუნდოს თავის შვილ ალეშანდრესთან ურთიერთობა არ ჰქონდა და პირველი ფილმი – „ჩვენ 5 მილიონი ვართ“ მამების გარეშე გაზრდილ ბავშვებს მიუძღვნა.„ვასკუ და გამამ“ მხეცის კონტრაქტი 12 მილიონ დოლარად გამოისყიდა და საკლუბო ჩემპიონატის მოგების მიზნით ის რომარიოს შეუწყვილა. „მანჩესტერს“ სუპერგოლი გაუტანა, მაისური აიწია და შიდა მაისური გამოაჩინა, რომელზეც კლუბის თანამშრომელ ვერსონის ვაჟიშვილი იყო გამოსახული. ის რამდენიმე დღით ადრე მენინგიტით გარდაიცვალა.იქამდე საგოლე პასი რომარიოს გაუკეთა, თუმცა ერთმანეთთან ურთიერთობა უჭირდათ, სკანდალურად იყოფდნენ პენალტისტისა და კაპიტნის როლებს. ედმუნდოს გაცუდებული მომენტის გამო მსოფლიოს საკლუბო ჩემპიონატის ფინალი „კორინთიანსთან“ წააგეს. შემდეგ რომარიოსთან კამათი მოუვიდა, მწვრთნელმა აბელ ბრაგამ მას მხარი არ დაუჭირა და „სანტოსში“ გადავიდა, სადაც 13 გოლი გაიტანა და კვლავ გასამრჯელოს გარეშე დარჩა.ახალი საუკუნის პირველ კვირაში მსოფლიოს 1982 წლის ჩემპიონ ალესანდრო ალტობელის დახმარებით იჯარით „ნაპოლიში“ გადავიდა, რომელიც ორწლიანი პაუზის შემდეგ სერია А-ში დაბრუნდა და მე-15 ადგილზე იმყოფებოდა.ედმუნდოს გამო „ნაპოლიმ“ არგენტინელი ბომბარდირი მარტინ პალერმო არ შეიძინა, ხელშეკრულებაში საკარნავალო მუხლი არ შეიტანა, სამაგიეროდ ზღვის პირას ვილათი უზრუნველყო და კლუბში ყველაზე დიდი ხელფასი დაუნიშნა – თითქმის ნახევარი მილიონი ევრო თვეში.

ძირავდა, მაშველი კი არ იყო

8 დღეში 12-ჯერ ივარჯიშა, 3 კილო დაიკლო, 15 ათას გულშემატკივარს ევროტურნირებზე გასასვლელად ბრძოლას დაჰპირდა და კიდევ იმას, რომ სანიმუშოდ მოიქცეოდა, მაგრამ როდესაც 4 უგოლო მატჩის შემდეგ მწვრთნელმა მანდონიკომ „ინტერთან“ შეცვალა, შეუკურთხა და სტადიონი მაშინ დატოვა, როცა კაცნაკლული მისი გუნდი 0:1-ს აგებდა.ორი კვირით ადრე „ფიორენტინასთან“ შეხვედრაში მოედნის დატოვებაზე უარი თქვა და მის ნაცვლად საუკეთესო სნაიპერი ამორუზო შეცვალეს. მაშინ მანდონიკოს გადაეხვია, „ინტერთან“ინციდენტის შემდეგ კი მას ერთი თვე არ ელაპარაკებოდა.მანდონიკოს თავიდანვე სურდა ედმუნდო მისადმი კეთილგანეწყო. მან გაიხსენა, რომ როდესაც 20 წლის იყო „ბრეშიაში“ „კრემონეზესთან“ მატჩის წინ სპეციალურად მიიღო წითელი ბარათი, რათა მილანში Rolling Stones-ის კონცერტს დასწრებოდა. ამორუზომ და სტელონემ ტრავმები მიიღეს და მანდონიკო იძულებული შეიქნა შემდეგ მატჩში ედმუნდო ეთამაშებინა და ეს ასე ახსნა: „ბოდიშის მოხდას არ ველი, რადგან ნაწყენი არ ვარ. იმედია, ისევ მიყვირებს, ოღონდ გოლის მერე“.გოლები „ბოლონიასა“ და „ლეჩეს“ გაუტანა, მაგრამ „ვიჩენცასთან“ გასვლითი მატჩის წინ მეკარე მონდინის იმის გამო ჩაარტყა ვარჯიშზე მუცელში ფეხი, რომ მან კრიტიკული შენიშვნა მისცა. „ნაპოლის“ თავისი პრობლემები ისედაც საკმაოდ ჰქონდა და ოღონდ გავარდნას გადარჩენილიყვნენ და ბრაზილიელს ყველაფრის უფლებას აძლევდნენ.მარტის ბოლოს ბრაზილიაში სასამართლო გარჩევების გამო გაფრინდა (ავტოავარიის და ყოფილი კლუბების ვალები), ხოლო ნეაპოლში ერთი დღის დაგვიანებით დაბრუნებულმა „ატალანტასთან“ ვერ ივარგა. „თამაშობდა გამაღიზიანებლად ქედმაღლურად და მოედანზე ყველაზე უარესად ირჯებოდა“, – წერდა la Repubblica-ს რეპორტიორი მარკო აცი. ძირავდა, მაშველი კი არ იყო: მორიგი თამაშისას 45 ათასმა ტიფოზიმ უსტვინა და უკანასკნელ ტურში „ფიორენტინასთან“ არაფრის მომცემი გოლით იტალიას დაემშვიდობა. „ნაპოლი“ გავარდა და 6 წელი ქვედა ლიგებში ცოდვილობდა.

გამოვარდნა და სიკვდილი

სასამართლოს მეშვეობით „ვასკუსთან“ კონტრაქტი გაწყვიტა და ცოტა ხანი „კრუზეიროში“ დაჰყო. ოქტომბერში „ვასკუსთან“ მატჩის წინ აღიარა, რომ მეტოქე გუნდს ჯერ კიდევ გულშემატკივრობდა და არ სურდა გოლი გაეტანა. პენალტი გააცუდა და კლუბის პრეზიდენტმა ზეზე პარელამ გააგდო. ერთკვირიანი უქმობის მერე იაპონიაში გაფრინდა და „ტოკიო ვერდი“ უმაღლეს ლიგაში დატოვა.ძმის გარდაცვალების შემდეგ ბრაზილიაში დაბრუნდა და 5 წელში 5 გუნდი გამოიცვალა: „ფლუმინენსეში“ რომარიოს შეურიგდა, 2005 წლის ივლისში „ფიგეირენსეს“ რიგებში „ჟუვენტუდესთან“ ჰეთ-თრიკი შეასრულა. იმ მატჩის მსაჯი ედილსონ პერეირა საბუქმეიკერო კანტორასთან შეთანხმებით ცდილობდა „ჟუვენტუდეს“ მოეგო, მაგრამ მოგვიანებით პოლიციამ სატელეფონო საუბარს მოუსმინა, სადაც მან თქვა, რომ ედმუნდოსთან ვერაფერი გააწყო.„ფიორენტინას“ ყოფილ თავდამსხმელ ლეანდრო ამარალთან ტანდემში 37 წლის ასაკშიც კარგად თამაშობდა, მაგრამ მისმა 13-მა გოლმა „ვასკუ“ გავარდნისგან ვერ იხსნა. თამაშს თავი დაანება, სამ წელიწადში ორივე მშობელი გარდაეცვალა (დედა კიბოთი, მამა კი ინსულტით), Rede TV-ის კომენტატორი გახდა.
 
View this post on Instagram
 

A post shared by Edmundo Souza (@edmundosouza10)

2016-ში სამუშაოდ Fox Sports-ში გადავიდა და შეიძლებოდა მედელინში სამხრეთ ამერიკის თასზე სხვა კომენტატორის ნაცვლად წასულიყო. ის კომენტატორი „ინტერნასიონალის“ რიგებში ბრაზილიის 1979 წლის ჩემპიონი მარიო სერჟიო იყო, სამუშაოთი უმაყოფილო გახლდათ და სხვა ტელეკომპანიაში აპირებდა მუშაობის გაგრძელებას, მაგრამ საბოლოოდ მედელინში ის გაფრინდა და არა ედმუნდო და „შაპეკოენსეს“ ფეხბურთელებთან ერთად ავიაკატასტროფაში დაიღუპა.„მე ცხოვრებისგან ახალი შანსი მივიღე და ამით იმათ გამო ვსარგებლობ, ვინც ჩემთან ერთად აღარაა. დავკარგე ძმა, დედა, მამა და ამას ვერასოდეს შევეგუები. ოდესღაც მათ მოვცილდი, რათა ცხოვრებაში რაღაცისთვის მიმეღწია, ახლა კი მთელ ჩემს დიდებას, კარიერასა დ ფულს მათთან ერთად ყოფნისთვის მივცემდი“, – წერს ედმუნდო თავის წიგნში „მხეცის ინსტიქტში“.
სხვა სიახლეები

გააკეთე კომენტარი

თქვენი ელ.ფოსტის მისამართი არ იქნება საჯარო