11 X 11
სპორტული პორტალი
06.06.21. ბანერი 1500

ცისფერი მთები ანუ როგორ მოხვდა ჭურჭლის მრეცხავი მსოფლიოს საუკეთესო გუნდში

0
03.06.21. 663×81 ბანერი
პირდაპირ გაგაფრთიხლებთ: ეს ისტორია არც ფორტუნას ეხება, არც გამართლებას, არც საფეხბურთო ღმერთს, არც ლატარიის მომგებიან ბილეთებს და არც კლუბის საპირფარეშოში დოლარებით გაძეძგილი საფულის პოვნას. აქ ყველაფერი გაცილებით მარტივადაა. უბრალოდ, ერთ დღეს, ცხიმით სავსე ახმახი, რომელიც ჭურჭლის მრეცხავად მუშაობდა, მსოფლიოს იმდროინდელ ერთერთ საუკეთესო გუნდ “მილანში” მოხვდა. და ამ ისტორიაში ღვთიური არაფერია. თითქმის არაფერი.თუ კი ზოგჯერ გაწუხებთ აზრი, რომ ცხოვრება **ობაა და ყველაფერი დაკარგეთ, გული არ გაიტეხოთ, ხის სკამს ფეხი მაგრად დასცხეთ, შემდეგ ხელში თავი და მობილური ტელეფონი აიღეთ და კონტაქტებში კარგად მოძებნეთ, იქნებ ისეთი ადამიანი იპოვოთ, ვისაც თქვენი ცხოვრების შეცვლა შეუძლია. მოდით, ეს იყოს ჰარვი ესაიასის პირველი რჩევა.ასე რომ, “მილანში” მოსახვედრად საჭიროა:1. რაღაც სახის განათლება მაინც გქონდეთსურინამული ფესვების მქონე ჰოლანდიელი ამბალი – ეს ჰარვი ესაიასის ამომწურავი პორტრეტია. გასაოცარია, მაგრამ ეს საკმარისი იყო ამსტრედამის “აიაქსის” აკადემიაში მოსახვედრად. ჰარვისაგან მცველის დაყენება სცადეს, მასთან ერთად კი ისეთი მონსტრები თამაშობდნენ, როგორებიც პატრიკ კლუივერტი, ედგარ დევიდსი, ანდრე ოიერი, მიხაილ რაიციგერი და კლარენს ზეედორფი არიან. რა, რა და მეგობრებში ესაიასს ნამდვილად გაუმართლა.“აიაქსის” აკადემიიდან ან გაუშვეს, ან თვითონ წავიდა, ერთი სიტყვით, ზრდასრულთა ფეხბურთამდე ბოლო საფეხური “ანდერლეხტში” გაიარა. ეს კი “ფეიენოორდთან” პირველი პროფესიონალური კონტრაქტის გაფორმებით დასრულდა.2. შრომის წიგნაკში რაღაც ინფორმაცია მაინც უნდა იყოსმშობლიურ როტერდამში ახალგაზრდა და სიცოცხლით სავსე ესაიასმა პირდაპირი მნიშვნელობით ძლიერი დარტყმით დაიწყო – წინასასეზონო შეხვედრაში “ფეიენოორდის” ახალგაზრდული გუნდის ფეხბურთელ რონალდ სჰოუტენს ყბა მოტეხა. ამის შემდეგ ჰარვიმ კარიერაში პირველი გოლი გაიტანა – გაგეცინებათ და “აიაქსის” კარში. შემდეგ კი ყველაფერი, ბოდიში მოგვითხოვია და “იქითკენ” წავიდა, პერსპექტიული კარიერა პორნოგრაფიას დაემსგავსა – 3 წელში “ფეიენოორდის” რიგებში 8 მატჩი ჩაატარა და თავისუფალი აგენტი გახდა.ის ხელში “ხრონინგენმა” ჩაიგდო – იქ ესაიასი მოედანზე 9-ჯერ გამოვიდა, თუმცა გუნდში მხოლოდ ერთი სეზონი დაჰყო. კონტრაქტი არ გაუგრძელეს და ისევ უმუშევრად დარჩა. შემდეგი კლუბი დაუნდობელი მცველისთვის “კამბუური” გახდა – იქ სათადარიგოთა სკამიდან საჯდომი ერთხელაც არ აუწევია.შემდეგ კი მუქთა იყოს, კუბო იყოსო პრინციპით ჰარვი “დორდრეხტმა” აიყვანა. 7 თამაში, სრულად უსარგებლო და “ესაიას, ს ვეშამი!” აქ კი ჰარვიმ ჰოლანდიაზე ხელი აიღო, აშკარად არ უმართლებდა იქ, თან სუქდებოდა და სუქდებოდა.ესპანეთში წავიდა და კონტრაქტი “კასტილიასთან” გააფორმა. დაცვა მშვენიერი დახვდა – მინიამბრესი, სესარ ნავასი, რაულ ბრავო. ესაიასი ისევ ულუკმაპუროდ დარჩა და ჯერ “სამორაში”, შემდეგ კი “მოსტოლესში” წასვლა მოუწია. იქაც ვერაფერს მიაღწია, მხოლოდ 11 მატჩი ჩაატარა და 26 წლის ასაკში კარიერა დაასრულა.3. გადარჩენის უნარისაფეხბურთო სამსახურის გარეშე ჰარვი ესაიასს ძალიან გაუჭირდა. ბუნებრივია, მადრიდის ქუჩებში ღამეს არ ათევდა და მატარებლის სადგურებზე არ ქურდობდა. როგორც პატიოსანი ადამიანი, ჰარვიმ მუშაობა დაიწყო – ერთერთ დაწესებულებაში ყველაფერს ასუფთავებდა. შემდეგ ცირკშიც მოეწყო – თავიდან ბორბლებს ამონტაჟებდა, შემდეგ სცენაზეც გამოვიდა (რა ამპლუაში, უცნობია). დადიოდა ხმები, რომ ერთი პერიოდი MMA-თი იყო დაკავებული.ესაიასის საქმეები უკეთესობისკენ მიდიოდა, მისი სიტყვებით, რაღაც პერიოდი ანტიკვარულ მაღაზიასა და ღამის კლუბს ფლობდა სამორაში, პორტუგალიის საზღვართან ახლოს. ჰარვი ყველა ფრონტზე იბრძოდა.ასე გავიდა 3 წელი – ამ პერიოდში ფეხბურთთან შეხება არ ჰქონია და ფორმაც საბოლოოდ დაკარგა.4. ერთგული და ცნობილი მეგობარიერთხელ ჰარვიმ ძველ მეგობარ კლარენს ზეედორფს დაურეკა. უცებ, საუბარმა სრულად მოულოდნელი შინაარსი მიიღო, როცა კლარენსმა ჰკითხა: “მილანში” თამაში გინდა?” ჰარვის გული აუჩქარდა, ვის არ უნდოდა მაშინდელ “მილანში” თამაში?!როგორღაც კლარენს ზეედორფმა ადრიანო გალიანი და კარლო ანჩელოტი დაითანხმა, რომ ესაიასი სინჯებზე მიეღოთ. “ეს ბიჭი “აიაქსის” აკადემიაში ჩემზე მაგარი იყო, ახლა კი სრულად უფასოდ შეიძლება მისი აყვანა,”- ურცხვად არწმუნებდა ზეედორფი “მილანის” ბოსს. რაც უნდა დაუჯერებლად ჟღერდეს, ენდეს – 29 წლისა და 100 კგ-ზე მეტი წონის ჭურჭლის მრეცხავი და ესპანური ცირკის თანამშრომელი “მილანში” მიიწვიეს!ბავშვობის მეგობრის გამო ზეედორფმა თავი საკმაოდ რთულ ვითარებაში ჩაიგდო.5. ვნება, ძალა, სურვილიშეაფასეს რა ჰარვის შესაძლებლობები, “მილანის” სამწვრთნელო შტაბმა ვერდიქტი გამოიტანა: ამ ბიჭს რაღაც შეუძლია, მაგრამ ახლა გორილას უფრო ჰგავს, ვიდრე ფეხბურთელს. გუნდში 5 თვით, გამოსაცდელი ვადით დატოვეს – ამ პერიოდში თავი საბრძოლო ფორმაში უნდა მოეყვანა.ესაიასმა ფსიქოლოგი დაიქირავა და სწრაფი სავარჯიშო კურსისთვის მოემზადა, რომელიც უფრო საზღვაო ქვეითის უმძიმეს კურსს ჰგავდა. ფსიქოლოგს უნდა ეკონტროლებინა, რომ ჰარვის “არ გაქცეოდა” – მსუქანი ცირკის ჯანბაზიდან 5 თვეში ათლეტად გადაქცევა ადვილი საქმე ნამდვილად არ გახლავთ.ყოველ დილით ესაიასი 7 საათზე დგებოდა და დარბოდა. შემდეგ საუზმობდა და ისევ დარბოდა. ამის შემდეგ სატრენაჟორო დარბაზი მოდიოდა, ფიტნესი და ა.შ. მხოლოდ საღამოს 9 საათზე თავისუფლდებოდა და ერთადერთი რასაც ახერხებდა, საწოლამდე მისვლა იყო. ფსიქოლოგი ეხმარებოდა, ჰარვი კი შრომას არ იშურებდა. ამ პერიოდში, ცხადია, “მილანი” 1 თეთრს არ უხდიდა.3 თვეში ჰარვიმ 15 კილო დაიკლო და ფორმაში მოვიდა. და სასწაულიც მოხდა – “მილანმა” ნიდერლანდელს 1-წლიანი კონტრაქტი შესთავაზა!6… მომენტი დაიჭირო და იკაიფო!ჰარვი ესაიასმა “მილანთან” ერთად 2004/05 სეზონი გაატარა. ის უკანასკნელი რეზერვისტი იყო და თამაშის გაძლიერების ვარიანტად არასდროს განიხილებოდა. თუმცა, 2005 წლის იანვარში თავდაუზოგავი შრომა დაუფასდა და ჰარვი “მილანის” მაისურით ოფიციალურ შეხვედრაში გამოჩნდა. იტალიის თასზე “პალერმოსთან” გამართული მატჩის დასრულებამდე 3 წუთით ადრე მასიმო ამბროზინი შეცვალა. ამ 3 წუთისთვის ესაიასი 5 თვე ხარივით მუშაობდა.  ჰარვი ბურთს სულ რამდენჯერმე შეეხო, მაგრამ თითოეულ შეხებას მილანელი ტიფოზების აპლოდისმენტების ხმა ახლდა თან. როცა ესაიასი ფლანგზე გაიქცა და იონ დალ ტომასონს მაგარი პასი გაუკეთა, ტრიბუნების ლამის აფეთქდნენ. ასე მიაღწია ჰარვიმ საკუთარ მიზანს:“საკუთარი თავით ვამაყობდი, ისეთი შეგრძნება მქონდა, თითქოს უმნიშვნელოვანესი მისია შევასრულე და დავამტკიცე, რომ ფეხბურთის თამაში შემიძლია.”“მილანმა” ჰარვის ბოლო საჩუქარი სეზონის ბოლოს გაუკეთა და სტამბულში ჩემპიონთა ლიგის ფინალზე წაიყვანა. მისდა სამწუხაროდ, იტალიელებმა ის დიდებული ფინალი წააგეს და ესაიასი ოქროს მედლის გარეშე დარჩა.ზაფხულში ესაიასმა “მილანი” დატოვა, იტალიის დაბალ დივიზიონებში რამდენიმე მატჩი ჩაატარა და კარიერა მეორედ და საბოლოოდ დაასრულა. “მილანის” ისტორიისთვის ის მოლეკულაა, მაგრამ მისთვის “მილანი” წელიწადნახევარი ცხოვრების აზრი იყო. მას ნაკვალევი არ დაუტოვებია, მაგრამ მისი ისტორია სულ დარჩება. თუმცა, ეს ისტორია არა მასზე, უფრო მეტად მეგობრობაზეა, რომელიც ბავშობიდან იწყება და არასდროს მთავრდება.AC Milan on Twitter: "Happy birthday to the man who played 3⃣ minutes at San Siro making the impossible possible Tanti auguri all'uomo che ha giocato 3⃣ minuti in rossonero rendendo possibile“დიდი ხნის განმავლობაში ვეძებდით ვარიანტს ჰარვისთვის, ბოლოს კი “მილანს” წარვუდგინე. ჩემი მხრივ, მადლობა მინდა გადავუხადო კლუბს, მწვრთნელსა და გუნდს, რადგან მენდნენ, არა და თავიდან მხოლოდ სიტყვები იყო. ჰარვის არავინ იცნობდა. ჩემთვის ეს ბრწყინვალე ემოციებია. ეს საოცარი ცხოვრებისეული და საფეხბურთო ისტორიაა, რომელიც ერთ რამეს გვასწავლის: ოცნება არასდროს უნდა შეწყვიტო,”- შეაჯამა ყველაფერი კლარენს ზეედორფმა.პ.ს. 1999 წელს ჰარვი ესაიასმა მადრიდის “რეალის” კასტილიასთან” კონტრაქტი რომ გააფორმა, არც შემთხვევითობა და არც გამართლებაა. ალბათ, არავის გაუკვირდება, თუ ვნახავთ, რომ იმ წელს “რეალში” კლარენს ზეედორფი თამაშობდა.წყარო: Milan Mania
სხვა სიახლეები

გააკეთე კომენტარი

თქვენი ელ.ფოსტის მისამართი არ იქნება საჯარო