11 X 11
სპორტული პორტალი

უნივერსიტეტის მაგისტრანტი პროფესიონალურ კრივში – თბილისში სარეიტინგო ბრძოლები იწყება

0

25 აპრილს თბილისში სარეიტინგო ბრძოლები ბრუნდება!

საქართველოს პროფესიონალური კრივის კავშირისა და Boxing group promotion-ის ორგანიზებულ ღონისძიებაში მონაწილეობას საქართველოს სხვადასხვა ქალაქის წარმომადგენელი მოკრივეები მიიღებენ.

პროფესიონალურ რინგზე სადებიუტო ბრძოლას გამართავს 23 წლის გორელი მებრძოლი გიორგი დოლიაშვილი, რომელსაც სამოყვარულო კრივში საკმაოდ დიდი გამოცდილება უმაგრებს ზურგს. ბრძოლების წინ მან მეტად საინტერესოდ ისაუბრა Boxing group promotion-ის ოფიციალურ გვერდთან:

“სამოყვარულო კრივში 2010 წლიდან მოყოლებუოი ყველა ასაკობრივი ნაკრები მაქვს გამოვლილი. 3-ჯერ ვიყავი ეროვნული ჩემპიონი, პატარა ასაკში 2-ჯერ მაქვს მონაწილეობა მიღებული კონტინენტურ პირველობაზე, უფროს ასაკში ვარ ა კლასის სხვადასხვა საერთასორისო ტურნირის გამარჯვებული, ფინალისტი და პრიზიორი, 2015 წლიდან 2020-წლამდე ვიყავი საქარველოს ეროვნული ნაკრების წევრი“

ღრმა ბავშვობიდან ვარ დაკავებული ამ სპორტით, მის გარეშე წარმოუდგენელია ვიყო ის ვინც ვარ, დილით გაღვიძებასავითაა ჩემთვის კრივის დარბაზში მისვლა და ვარჯიში. მოკრივე, რომელიც ჩემთვის სამაგალითოა და ვის გამოც კრივს კიდევ უფრო ვაფასებ არის მუჰამედ ალი.

4 წლის ვიყავი, როდესაც პირველად კრივის ორთაბრძოლებს ვარიანში, გიორგი კანდელაკის დარბაზში ვუყურე. მაშინვე მოვიხიბლე და შემდეგ მალევე ჩემივე ინიციატივით და სურვილით შემიყვანეს სპორტის ამ სახეობაზე.

ჩემი აღმზრდელი, ვინც მასწავლა კრივის ანბანი, ბრძოლა, ჩამინერგა გამარჯვების სურვილი, ამიხსნა და კიდევ უფრო შემაყვარა ეს სპორტი არის ბადრი ყულუმბეგაშვილი. შემდეგ უკვე უფროს ასაკში ჩემს აღზრდასა და პროფესიონაურ განვითარებას, ზურა გუნიამ მიჰყო ხელი. ორივე მწვრთნელთან საკმაო წარმატებებისთვის მაქვს მიღწეული და ორივეს დიდი შრომა აქვთ ჩემში ჩადებული, რის გამოც ყოველთვის მათი მადლიერი ვიქნები.

დღემდე კრივი ჩემი ციხვრების განუყოფელი ნაწილია, ესაა ის რასაც ყოველთვის ვაკეთებ და რისი კეთებაც მომწონს.

სპორტსმენობის გარდა ვარ სტუდენტი, კერძოდ საჯარო სამართლისა და პოლიტიკის მაგისტრანტი, ასევე უკვე მიღებული მაქვს ბაკალავრის ხარისხი სამართალმცოდნეობაში. თავიდან ძალიან გამიჭირდა სწავლის და მოკრივის ცხოვრების შეთავსება, რადგან ორივე ძალიან დიდ და შრომას და ენერგიას მოითხოვს, მაგრამ როგორღაც შევძელი, რომ ორივესთვის დამეთმო საკმარისი დრო. თუმცა უნდა ითქვას, რომ სხვა ყველაფერზე უარის თქმა მომიწია.

სამოყვარულოსა და პროფესიულ კრივს შორის, ძალიან დიდი განსხვავებაა – დაწყებული წონის ჩაბარებით და გაგრძელებული ბრძოლის მიმდინარეობითა თუ სხვა ნიუანსებით, თუმცა დარწმუნებული ვარ, რომ სამოყვარულო კრივში დაგროვებული გამოცდილება და ცოდნა დამეხმარება პროფესიონალურ ასპარეზზე მარტივად მოვიკიდო ფეხი.

მაქვს მოლოდინი, რომ პროფესიონალურ კრივში დაფასდება ის შრომა რაც უკვე გავიღე და რასაც მუდმივად ვაგრძელებ. წინსვლის საიდუმლო ხომ სწორი ვარჯიში და შრომაა, ამიტომაც მჯერა საკუთარი თავის და დარწმუნებული ვარ რომ დიდ წარმატებას მივაღწევ ამ სპორტში.”

წყარო: Boxing Group Promotion

სხვა სიახლეები

გააკეთე კომენტარი

თქვენი ელ.ფოსტის მისამართი არ იქნება საჯარო